|| Maa Ganga Stotram ||
dēvi! surēśvari! bhagavati! gaṅgē tribhuvanatāriṇi taraḻataraṅgē ।
śaṅkaramauḻivihāriṇi vimalē mama matirāstāṃ tava padakamalē ॥ 1 ॥
bhāgīrathisukhadāyini mātastava jalamahimā nigamē khyātaḥ ।
nāhaṃ jānē tava mahimānaṃ pāhi kṛpāmayi māmajñānam ॥ 2 ॥
haripadapādyataraṅgiṇi gaṅgē himavidhumuktādhavaḻataraṅgē ।
dūrīkuru mama duṣkṛtibhāraṃ kuru kṛpayā bhavasāgarapāram ॥ 3 ॥
tava jalamamalaṃ yēna nipītaṃ paramapadaṃ khalu tēna gṛhītam ।
mātargaṅgē tvayi yō bhaktaḥ kila taṃ draṣṭuṃ na yamaḥ śaktaḥ ॥ 4 ॥
patitōddhāriṇi jāhnavi gaṅgē khaṇḍita girivaramaṇḍita bhaṅgē ।
bhīṣmajanani hē munivarakanyē patitanivāriṇi tribhuvana dhanyē ॥ 5 ॥
kalpalatāmiva phaladāṃ lōkē praṇamati yastvāṃ na patati śōkē ।
pārāvāravihāriṇi gaṅgē vimukhayuvati kṛtataralāpāṅgē ॥ 6 ॥
tava chēnmātaḥ srōtaḥ snātaḥ punarapi jaṭharē sōpi na jātaḥ ।
narakanivāriṇi jāhnavi gaṅgē kaluṣavināśini mahimōttuṅgē ॥ 7 ॥
punarasadaṅgē puṇyataraṅgē jaya jaya jāhnavi karuṇāpāṅgē ।
indramukuṭamaṇirājitacharaṇē sukhadē śubhadē bhṛtyaśaraṇyē ॥ 8 ॥
rōgaṃ śōkaṃ tāpaṃ pāpaṃ hara mē bhagavati kumatikalāpam ।
tribhuvanasārē vasudhāhārē tvamasi gatirmama khalu saṃsārē ॥ 9 ॥
alakānandē paramānandē kuru karuṇāmayi kātaravandyē ।
tava taṭanikaṭē yasya nivāsaḥ khalu vaikuṇṭhē tasya nivāsaḥ ॥ 10 ॥
varamiha nīrē kamaṭhō mīnaḥ kiṃ vā tīrē śaraṭaḥ kṣīṇaḥ ।
athavāśvapachō malinō dīnastava na hi dūrē nṛpatikulīnaḥ ॥ 11 ॥
bhō bhuvanēśvari puṇyē dhanyē dēvi dravamayi munivarakanyē ।
gaṅgāstavamimamamalaṃ nityaṃ paṭhati narō yaḥ sa jayati satyam ॥ 12 ॥
yēṣāṃ hṛdayē gaṅgā bhaktistēṣāṃ bhavati sadā sukhamuktiḥ ।
madhurākantā pañjhaṭikābhiḥ paramānandakalitalalitābhiḥ ॥ 13 ॥
gaṅgāstōtramidaṃ bhavasāraṃ vāñChitaphaladaṃ vimalaṃ sāram ।
śaṅkarasēvaka śaṅkara rachitaṃ paṭhati sukhīḥ tava iti cha samāptaḥ ॥ 14 ॥
- Sri Shankaracharya Kritam