श्रीभागवत स्तुति

भीष्म उवाच

इति मतिरूपकल्पिता वितृष्णा भगवति सात्वतपुंगवे विभुम्नि ।
स्वसुखमुपगते क्वचिद्विहर्तुं प्रक्रतिमुपेयुषि यद्भवप्रवाह: ।।1।।

त्रिभुवनकमनं तमालवर्णं रविकरगौरवराम्बरं दधाने ।
वपुरलककुलावृताननाब्जं विजयसखे रतिरस्तु मेऽनवद्या ।।2।।

युधि तुरगरजोविधूम्रविष्वक्कचलुलितश्रमवार्यलंगकृतास्ये ।
मम निशितशरैर्विभिदयमान त्वचि विलसत्कवचेऽस्तु कृष्ण आत्मा ।।3।।

सपदि सखिवचो निशम्य मध्ये निजपरयोर्बलयो रथं निवेश्य ।
स्थितवति परसैनिकायुरक्ष्णा ह्रतवति पार्थसखे रतिर्ममास्तु ।।4।।

व्यवहितप्रतनामुखं निरीक्ष् स्वजनवधाद्विमुखस्य दोषबुद्धया ।
कुमतिमहरदात्मविद्या यश्चरणरति: परमस्य तस्य मेऽस्तु ।।5।।

स्वनिगममपहाय मत्प्रतिज्ञामृतमधिकर्तुमवप्लुतो रथस्थ: ।
धृतरथचरणोऽभ्ययाच्चलद्गुर्हरिरिव हन्तुमिभं गतोत्तरीय: ।।6।।

शितविशिखहतो विशीर्णदंश: क्षतजपरिप्लुत आततायिनो मे ।
प्रसभमभिससार मदवधार्थं स भवतु मे भगवान् गतिर्मुकुन्द: ।।7।।

विजयरथकुटुंब आत्ततोत्रे धृतहयरश्मिनि तच्छ्रियेक्षणीये ।
भगवति रतिरस्तु मे मुमूर्षोर्यमिह निरीक्ष्य हता गता: सरुपम् ।।8।।

ललितगतिविलासवल्गुहासप्रणयनिरीक्षणकल्पितोरुमाना: ।
कृतमनुकृतवत्य उन्मदान्धा: प्रक्रतिमगन्किल यस्य गोपवध्व: ।।9।।

मुनिगणनृपवर्यसंकुलेऽन्त: सदसि युधिष्ठिरराजसूय एषाम् ।
अर्हणमुपपेद ईक्षणीयो मम दृशिगोचर एष आविरात्मा ।।10।।

तमिममहमजं शरीरभाजां हृदि ह्रदि धिष्ठितमात्मकल्पितानाम् ।
प्रतिदृशमिव नैकधार्कमेकं समधिगतोऽस्मि विधूतभेदमोह: ।।11।।

आरती

• भगवद्‍ गीता आरती

मंत्र

चालीसा

• भगवद गीता चालीसा

स्तुति

• श्रीभागवत स्तुति

स्तोत्रं

आप इन्हें भी पढ़ सकते हैं

• आदित्यहृदयम्
• भैरव बाबा स्तुति
• श्री कृष्ण स्तुति
• श्री दुर्गा माता स्तुति
• श्री राम स्तुति - श्री रामचंद्र कृपालु भजुमन
• श्री गणेश स्तुति - ॐ गणांना त्वा गणपतिं हवामहे
• शिवरात्रि स्तुति
• श्री हनुमान स्तुति